كل المميزات
كل اللي عارف بيعمله، في صفحة واحدة.
أكتر من ٦٠ ميزة شغالة دلوقتي — من فهم رسالة العميل لحد تقرير الأسبوع. شغّل اللي تحتاجه، واقفل اللي مش محتاجه.
عقل الوكيل
بيفهم العميل مهما كتب، وبيرد من معرفتك بس.
بيتعلّم من موقعك
الموقع كله أو صفحة واحدة بس، ويتحدّث تلقائيًا كل أسبوع لو حاجة اتغيرت — وبيملا بيانات نشاطك (العنوان، المواعيد، الأرقام) من الموقع.
ملفات وصور وألبومات
PDF وWord وصور المنيو وقوايم الأسعار، والوكيل بيقرا النص اللي جوه الصور.
الفرانكو واللهجات
مصري وخليجي وشامي ومغاربي وفرانكو — وبيرد بنفس لهجة العميل.
بلغة العميل
عميل كتب بالإنجليزي أو الإيطالي ياخد الرد بنفس اللغة، حتى لو معلوماتك بالعربي.
بيسمع ويشوف
الفويس نوت بيتحوّل لنص ويترد عليه، والصور بيفهم اللي فيها.
فاهم السؤال اللي بعده
"وبكام؟" بعد سؤال عن أوضة بيتفهم إنها عن نفس الأوضة.
ذاكرة العميل
فاكر محادثاته القديمة ومواعيده وطلباته المفتوحة عشان مايسألش تاني.
أسلوب البيّاع الشاطر
بيجاوب الأول، وبيقترح خطوة واحدة مفيدة، وبيتعامل مع "غالي" بالقيمة — من غير ضغط.
هوية الوكيل
اسم بيعرّف بيه نفسه، وبيرحّب مرة واحدة في أول رد بلهجة العميل باسم نشاطك.
دوره ونبرته
مبيعات أو خدمة عملاء، ودود أو رسمي، لهجة افتراضية، ومواضيع ممنوعة بردّ ثابت.
حماية من التلاعب
رسايل زي "تجاهل تعليماتك" مابتأثرش عليه، والفريق بيتنبّه.
فحص يومي لنفسه
كل يوم بيسأل نفسه عن العنوان والمواعيد والأرقام والمنيو، ويبلّغك لو حاجة باظت.
لبق مع العميل
مابيردش على "تمام 👍"، وبيحط ❤️ على رسالة الشكر بدل رد زيادة.
القنوات
وكيل واحد في كل مكان عميلك بيكلمك منه.
واتساب بيزنس الرسمي
ربط بضغطة، والرقم يفضل شغال على التطبيق (التعايش) مع استيراد لحد ٦ شهور من المحادثات.
إنستجرام
الرسايل الخاصة والكومنتات، بصورة العميل واسمه.
ماسنجر فيسبوك
رسايل صفحتك، ولو رديت من صندوق الصفحة الوكيل بيسكت.
كومنتات فيسبوك وإنستجرام وتيك توك
رد علني + رسالة خاص، وتقدر تعدّل أو تمسح أو تطلب رد جديد تراجعه.
تيليجرام
بوت باسم نشاطك في دقيقة.
شات الموقع
أكتر من ويدجت، وبيسأل الزائر عن اسمه وموبايله قبل أول رسالة.
البريد الإلكتروني
بيرد على إيميلات نشاطك من نفس الصندوق، ومابيردش على الرسايل الآلية.
المكالمات بالذكاء الاصطناعي
بيرد على رقمك بالصوت، يحجز ويجاوب، ويحوّل المكالمة لفريقك لما يحتاج.
"بيكتب…" وتمت القراءة
العميل بيشوف إن رسالته اتقرت والوكيل بيكتب — زي إنسان بالظبط.
البيع والحجز والدفع
المحادثة بتخلص بحجز أو أوردر أو دفعة.
حجز المواعيد
من الأوقات الفاضية فعلًا حسب ساعات العمل وطاقة كل خدمة، مع تذكير وإلغاء من الشات.
ربط Google Calendar
أي ميعاد في تقويمك مايتحجزش، وكل حجز جديد بيتكتب فيه.
حجز الغرف للفنادق
مخزون الغرف وأسعار الفترات، وتأكيد فوري من غير ما آخر أوضة تتباع مرتين.
صفحة حجز مباشر للفندق
لينك خاص يحجز منه الضيف من غير حساب ومن غير عمولة.
الدفع جوه المحادثة
لينك دفع على حساب Paymob بتاعك أو تحويل، والمبلغ من قايمة أسعارك مش من الوكيل.
ربط المتجر
سلة وزد وShopify وWooCommerce: السعر والمخزون وحالة الأوردر لصاحبه بس.
تحديثات الطلب على واتساب
اتأكد، اتشحن، اتسلّم — رسالة للعميل مع كل مرحلة.
حملات واتساب
شرائح ذكية من محادثاتك، بقوالب معتمدة وإحصائيات وصول وقراءة ورد.
بيانات العميل المهتم
الوكيل بيسأل بلطف عن البيانات اللي إنت اخترتها ويحفظها في الملف وGoogle Sheets.
المنيو والكتالوج
ملف المنيو أو قايمة الأسعار بيتبعت أول ما العميل يطلبه.
اللوكيشن والفروع
بيدّي أقرب فرع، وعلى واتساب بيبعت اللوكيشن نفسه.
طلب تقييم جوجل
بعد الزيارة بيبعت لينك تقييمك مرة واحدة.
فريقك وصندوق الوارد
الوكيل بيشيل التكرار، وفريقك بيركّز على المهم.
صندوق واحد لكل القنوات
المحادثات والكومنتات والإيميل والمكالمات المكتوبة في مكان واحد.
توزيع تلقائي وهدف وقت رد
بالدور أو للأقل شغلًا، وتنبيه لو حد استنى أكتر من اللازم.
تنبيهات فورية
جرس وصوت وإشعار متصفح، وإيميل لو تنبيه مهم ماتشافش.
تحويل لإنسان في الوقت الصح
الوكيل بيحوّل لوحده لو العميل طلب حد أو متضايق، وبيدّيه رقم التواصل.
مساعد للموظف
ملخص المحادثة، العميل عايز إيه، ناقص إيه، والخطوة الجاية — وزرار "اكتب الرد".
CRM بيبني نفسه
ملف واحد لكل عميل مهما كلّمك من كام قناة، ودمج واستيراد من Excel.
وسوم ذكية
الوكيل بيحط الوسوم المناسبة على المحادثات تلقائيًا.
أكتر من وكيل
وكيل لكل صفحة أو فرع، بمعرفته وقنواته وتعليماته.
بيتحسّن لوحده
كل أسبوع وكيلك أذكى من اللي قبله.
مراجعة جودة المحادثات
درجة لكل محادثة، والمشاكل بالاقتباس والسبب والتصليح.
مدرّب المعرفة
الأسئلة اللي ماعرفش يجاوبها بتتجمّع، ومعاها إجابة مقترحة توافق عليها.
بيتعلّم من ردود فريقك
رد موظف فيه معلومة مفيدة بيتحوّل لاقتراح معرفة تعتمده.
كشف التناقضات وتصليحها
سعر مختلف في ملفين؟ بينبّهك ويقترح التعديل في نفس الفقرة.
بيذاكر معرفته
بيستبعد أمثلة الديمو والكلام التسويقي من موقعك عشان مايقولهاش كحقيقة.
أسئلة عملاء نشاطك
قايمة بالأسئلة اللي عملاء نشاطك بيسألوها، تجاوبها بخطوة.
متابعة ذكية
رسالة متابعة واحدة للي سكت، في مواعيد مناسبة بس (٩ص–٩م).
تقرير أسبوعي
الأسبوع مقارنة باللي فات، الفرص الضايعة، و٣ خطوات عملية.
المستشار
فكرة واحدة في اليوم من أرقامك الحقيقية — من غير إزعاج.
وكيلك عمل إيه
الردود، الوقت اللي وفّره، العملاء المهتمين، والفلوس والحجوزات اللي جابها.
الأتمتة
خطوات ثابتة بتتنفّذ بالظبط، جنب الوكيل.
محرّر أتمتة جوه المنصة
من غير أدوات خارجية: شرط، رد، وسم، تحويل، وانتظار أيام.
قوالب لكل نشاط
قوالب جاهزة بتتركّب بضغطة وتشتغل فورًا.
اكتبها بالكلام
اوصف اللي عايزه والذكاء الاصطناعي يجهّز الخطوات.
Google Sheets لحظيًا
العملاء المهتمين والحجوزات والشكاوى بتتسجّل في شيت.
البيانات وHotelsMind
اسأل شغلك وخد الإجابة بالأرقام.
مساعد بيانات الأعمال
Excel وGoogle Sheets وOdoo وMySQL وPostgreSQL — وكل رقم معاه مصدره.
تنبيهات ذكية
مخزون قرّب يخلص، فواتير متأخرة، مبيعات بتقل.
إجابات للعملاء من بياناتك
"الصنف ده متاح؟" و"طلبي فين؟" من بياناتك، والطلبات لصاحبها بس.
HotelsMind AI للفنادق
الإشغال والـ ADR والإيرادات والتوقعات من أنظمة الفندق، برسوم ومصدر.
التحكم والأمان والاشتراك
إنت صاحب القرار في كل حاجة.
شغّل واقفل كل ميزة
كل ميزة ذكية ليها مفتاح، وتقدر توقف الوكيل في أي محادثة.
صلاحيات لكل موظف
المالك والمدير والموظف — كل واحد يشوف اللي يخصه.
بياناتك معزولة
كل مؤسسة معزولة تمامًا، والمفاتيح والتوكنات مشفّرة.
صمّم باقتك
اختار الخدمات اللي محتاجها بس والسعر بيتحسب قدامك.
شهري أو سنوي
السنوي بخصم، ورصيد الرسايل بيتجدد كل شهر.
مفتاح الذكاء الاصطناعي بتاعك
OpenAI أو Anthropic أو Gemini بمفتاحك إنت.
طرق دفع وكوبونات
بطاقة (Paymob وStripe)، إنستاباي، تحويل بنكي، وكوبونات خصم.
"اسأل عارف" جوه النظام
دليل استخدام كامل ومساعد بيجاوبك عن أي شاشة وعن حالة حسابك.
برنامج الشركاء
رشّح عارف واكسب عمولة متكررة على كل دفعة.