"3ayez a7gez 2 nights", "قديش السعر؟"، "ابي اعرف الاسعار"، "عايز اعرف بكام" — كلهم نفس السؤال. أغلب البوتات بتفهم واحد منهم بس.
المشكلة في البوتات العادية
- الفرانكو (حروف لاتينية وأرقام بدل الحروف: 3 = ع، 7 = ح، 2 = أ) بيتقري كلام إنجليزي غلط.
- اللهجات بتخلي البحث في المعلومات مايلاقيش الإجابة: "قديش" مش زي "بكام".
- الفويس نوت بيتجاهل خالص.
عارف بيعمل إيه؟
- بيقرا الفرانكو بالعربي قبل ما يدوّر في معلومات نشاطك.
- بيعرف اللهجة (مصري، خليجي، شامي، مغاربي) وبيدوّر بمرادفاتها.
- بيرد بنفس لهجة العميل، أو باللهجة اللي إنت اخترتها للوكيل لحد ما لهجة العميل تبان.
- بيرد بلغة الرسالة: عميل كتب بالإنجليزي أو الإيطالي ياخد الرد بنفس اللغة، حتى لو معلوماتك بالعربي.
- بيسمع الفويس نوت، بيحوّله لنص، ويرد عليه.
ليه ده بيفرق؟
العميل اللي بيحس إن اللي بيكلمه فاهمه، بيكمل المحادثة وبيشتري. والرد بنفس طريقته بيحسسه إنه بيكلم حد من المكان، مش ماكينة.
مناسب لمين؟
لأي نشاط عملاؤه من أكتر من بلد عربي، أو بيستقبل سياح — زي الفنادق والقرى السياحية والمتاجر الإلكترونية. جرّب بنفسك واكتب لوكيلك بالفرانكو من ابدأ تجربتك المجانية.